2019 թ. Գաբրիել Սունդուկյանի անվան ազգային ակադեմիական թատրոնն ազդարարեց «Դասարան + դասական» թատերական կրթական ծրագրի մեկնարկը։

ՀՀ կրթության, գիտության, մշակույթի և սպորտի նախարարության ֆինանսավորմամբ և աջակցությամբ Գաբրիել Սունդուկյանի անվան ազգային ակադեմիական թատրոնը 2019 թ. ազդարարեց «Դասարան + դասական» թատերական կրթական ծրագրի մեկնարկը։ Ծրագիրն առաջին անգամ իրականացավ 2019թ. նոյեմբեր-դեկտեմբեր ամիսներին, որին մասնակցեցին Երևանի դպրոցներից մրցութային կարգով ընտրված 60 աշակերտներ։ Նրանք մասնակցեցին սեմինարներ-դասախոսությունների՝ Թատրոնի պատմություն, Դերասանական արվեստ, Ռեժիսորական արվեստ, Թատերական գործի կազմակերպում, Արվեստի այլ տեսակների ներգրավվածությունը թատրոնում թեմաներով։