2020 թ. կորոնավիրուսային համաճարակի պատճառով  «Դասարան + դասական» կրթական ծրագիրն անցավ առցանց ձևաչափի։

Առաջին առցանց ծրագիրը բաղկացած էր 4 ենթաբաժնից՝ «Թատերագիտակ», «Զրույց հայտնիների հետ», «Ներկայացում առցանցում», «Հետնաբեմ»։ Բաժիններից յուրաքանչյուրն ուներ ութ եթեր։ Պատրաստվել է ընդհանուր 32 հաղորդում։

2020 թ. ամռան և աշնան ամիսներին պատրաստվեց և այնուհետև ֆեսբուքյան հարթակում ներկայացվեց «Դասարան+Դասական» կրթական ծրագրի նաև մարզային տարբերակը։ Ծրագրի ընթացքում անդրադարձ է կատարվել ՀՀ մարզային և Արցախի 11 թատրոնի։ Թատրոններից յուրաքանչյուրը ներկայացվում է համակողմանի և ամբողջական, քառամաս պատումի միջոցով՝ «Պատմություն», «Թատերական համայնապատկեր», «Զրույց արտիստի հետ», «Հետնաբեմ»։ Պատրաստվել է ընդհանուր 44 հաղորդում։